جیاوازیی نێوان پێداچوونەوەکانی «مەرزییە شەهاب عەبدوڵڵا (مەرزییە فەریقی)»

مەرزییە فەریقی ناوی تەواوی مەرزییە شەهاب عەبدوڵڵایە، لە ڕێکەوتی 1958-05-22 لەشاری مەریوانی رۆژهەڵاتی کوردستان چاوی بەژیان هەڵهێناوه، بەڵام دایک و باوکی خاتوو مەرزیە لەبنەڕەتدا خەڵکی شاری سنەن.

تا تەمەنی 17 ساڵی مەرزییە ژیانی لەشاری مەریوان بەسەر دەبات، بۆ خوێندنی مامۆستایەتی روو دەکاتەشاری سنە و لەوێ خوێندنی مامۆستایەتی تەواو دەکات، بڕوانامەی دبلۆم لە بواری مامۆستایەتیدا بەدەستدەهێنێت.

هەر لەتەمەنی منداڵیدا هەستی کردووه، کە دەنگی خۆشەو بەهرەی دەنگخۆشی تێدایە، لەلایەن باوکییەوە هاندراوه، بەڵام بەهۆی نادروستی کۆمەڵگاوه، ئەوەی لەو رۆژگارەدا ستەم بووەژن و کچی کورد گۆرانی بچرێنی، هەربۆیە ڕێگای هونەری لێگیراوە و لەو پێناوەشدا زۆر بەقورسی ژیانی هونەری خۆی بەسەر بردووه، بەڵام سەڕەڕای کۆسپ و کێشەکان مەرزییەێ هونەرمەند هەر بەردەوام بووه، لەجەژەنەکان و یاد و بۆنەکانەدا، ئەوانەی لەقوتابخانەدا سازکراون، بەشداری کردووە و بۆ یەکەمین جار لەتەمەنی 9 ساڵیدا چۆتەسەر شانۆی قوتابخانەکەی، یەکەمین گۆرانی، ئەوەی لەو کاتەدا چڕێوێتی گۆرانیەکی فەتانەی وەلیدی بووه، لەگەڵ موزیکدا بەناوی لەسەر کانی دێتەوە لێو بەکەنی و گۆزەبەشانەوه.

مەرزییە فەریقی زۆر حەزی بەبیستنی کارە هونەرییەکانی باشووری کوردستان بەتایبەت تیپی مۆسیقای سلێمانی و زیاتر حەزی بەدەنگی هونەرمەندان کەریم کابان و قادر کابان بوو.

 

لەساڵی 1977دا لە شاری سنە بە هونەرمەند ناسری رەزازی ئاشنا دەبێت و لەساڵی 1978دا زەماوەند دەکەن و ساڵی 1980دا لەگەڵ هونەرمەند ناسڕی رەزازی رێگای خەباتی شۆڕشی رزگاریخوازی گەلی کوردستان هەڵدەبژێرن و لەڕێزەکانی کۆمەڵە خەبات دەکەن، ئەم خەباتگێڕیەشیان تاساڵی 1984دا بەردەوام دەبێت.

لەڕۆژی 2005-09-18دا لە کاژمێر 11ی پێش نێوەڕۆ بەکاتی ئەوروپا، لەستۆکهۆڵمی پایتەختی سوێد ماڵئاوایی لەمۆسیقا و هونەر کردوو و بۆ هەتاهەتای بەجێیهیشتین و لەشاری سلێمانی لەسەر داوای خۆی بەخاک سپێدرا.